ХӨДӨӨ АЖ АХУЙН ЦАГ УУРЫН 2023 ОНЫ 08 ДУГААР САРЫН ХОЁРДУГААР АРАВ ХОНОГИЙН ТОЙМ

ХӨДӨӨ АЖ АХУЙН ЦАГ УУРЫН

2023 ОНЫ 08 ДУГААР САРЫН ХОЁРДУГААР

АРАВ ХОНОГИЙН ТОЙМ

Агаарын температур:  Манай аймгийн  хэмжээнд 8 дугаар сарын хоёрдугаар арав хоногийн агаарын дундаж температур ОЖДунджаар(1981-2010 оны дунджаар) Говийн бүс нутгаар 17.7°С-аас 19.1°С, бусад  нутгаар 12.9°С-аас 16.0°С градус дулаан байдаг. 2023 оны 8 дугаар сарын хоёрдугаар арав хоногийн агаарын дундаж температур говийн бүс нутгаар 19.5⁰С- ээс 22.7⁰С, бусад нутгаар 15.5°С –аас 17.9°С градус дулаан байсан бөгөөд ихэнх нутгаар олон жилийн дунджаас 1.7°С -3.7°С -аар дулаан байсан ба Баян-Өндөр, Хархорин, Бүрд, Зүйл сумдын нутгаар олон жилийн дунджийн орчим байлаа. 

Хур тунадас: Энэ арав хоногт нийт сумдын нутгаар бороо орсон. Ихэнх нутгаар 11.0-86.0мм тунадас орсон, Зүйл, Бүрд, Өлзийт, Хархорин сумдын нутгаар 45.0-86.0мм орсон байна. 

Салхи: Нийт нутгаар ихэнх хугацаанд 6-12м/сек, Хужирт, Төгрөг Хархорин, Богд сумдын нутгаар салхины өрөвхийлөл 16-24 м/сек, хүрч салхилсан байна.

Бэлчээрийн ургамлын ургалтын байдал: Бэлчээрийн ургамлын ургалтын байдал ихэнх сумдын нутгаар сайн, Нарийнтээл сумын хойд, Уянга сумын өмнөд болон баруун Гучин-Ус, Зүйл, Богд сумдын нутгийн өмнө, Баян-Өндөр сумын баруун, Төгрөг сумын баруун болон өмнөд хэсгээр дунд зэргийн ургалттай, бусад нутгаар сайн байна. Энэ 10 хоногт нийт нутгаар бороо орсон ургамлын ургалтын байдал сайн, зуншлагын байдал нийт нутгийн 90 орчим хувьд сайн байна. Зарим сумдын нутгийн зарим хэсгээр их бороо, мөндөр, говийн сумдаар их халалтаас шалтгаалж ургамал гэмтсэн байна. 

Мал аж ахуйн үйлдвэрлэл:  Сааль сүү малд тарилга хийх, мал ногоолуулах, отор нүүдэл хийх, хужир шүү бэлтгэх, хадлан тэжээл бэлтгэх болон бусад ажлууд үргэлжлэн явагдаж байна.

УЦУОШТӨВ, ХААЦУ-ЫН САЛБАР

2023-08-21