ХӨДӨӨ АЖ АХУЙН ЦАГ УУРЫН 2023 ОНЫ 07 ДУГААР САРЫН ХОЁРДУГААР АРАВ ХОНОГИЙН ТОЙМ

ХӨДӨӨ АЖ АХУЙН ЦАГ УУРЫН

2023 ОНЫ 07 ДУГААР САРЫН ХОЁРДУГААР

АРАВ ХОНОГИЙН ТОЙМ

Агаарын температур:  Манай аймгийн  хэмжээнд 7 дугаар сарын хоёрдугаар арав хоногийн агаарын дундаж температур ОЖДунджаар(1981-2010 оны дунджаар) Говийн бүс нутгаар 20.0°С-аас 21.7°С, бусад  нутгаар 16.2°С-аас 18.4°С градус дулаан байдаг. 2023 оны 7 дугаар сарын хоёрдугаар арав хоногийн агаарын дундаж температур говийн бүс нутгаар 20.0⁰С- ээс 22.2⁰С, бусад нутгаар 16.1°С –аас 19.8°С градус дулаан байсан бөгөөд ихэнх нутгаар олон жилийн дунджийн орчим байсан ба Бат-Өлзий, Нарийнтээл сумдын нутгаар 1.2⁰С-аас 1.9⁰С-аар олон жилийн дундажаас дулаан байлаа. /      Хур тунадас: Энэ арав хоногт нийт сумдын нутгаар бороо орсон. Ихэнх нутгаар 32.0-89.0мм тунадас орсон, Богд, Төгрөг, Баянгол сумдын нутгаар 13-28мм орсон байна. 

Салхи: Нийт нутгаар ихэнх хугацаанд 6-12м/сек, Хужирт, Төгрөг Хархорин, Богд сумдын нутгаар салхины өрөвхийлөл 16-22 м/сек, хүрч салхилсан байна.

Бэлчээрийн ургамлын ургалтын байдал: Бэлчээрийн ургамлын ургалтын байдал ихэнх сумдын нутгаар сайн, Хайрхандулаан, Гучин-Ус, Зүүнбаян-Улаан, Зүйл, Баянгол сумдын нутгийн өмнө, Баян-Өндөр Уянга сумдын баруун, Төгрөг сумын зүүн хэсгээр дунд зэргийн ургалттай байна. Энэ 10 хоногт нийт нутгаар бороо орж ургамал сэргэсэн зуншлагын байдал нийт нутгийн 75 орчим хувьд сайн байна. Зарим сумдын нутгийн зарим хэсгээр их бороо, говийн сумдаар их халалтаас шалтгаалж ургамал гэмтсэн байна. 

Мал аж ахуйн үйлдвэрлэл:  Сааль сүү бэлдэх, хонины ноос хяргах, малд тарилга хийх, мал хөнгөлөх, мал ногоолуулах, отор нүүдэл хийх, хужир шүү бэлтгэх, хөөвөр хялгас авах, мал хөнгөлөх болон бусад ажлууд үргэлжлэн явагдаж байна.

УЦУОШТӨВ, ХААЦУ-ЫН САЛБАР

2023-07-21