ХӨДӨӨ АЖ АХУЙН ЦАГ УУРЫН 2023 ОНЫ 12 ДУГААР САРЫН НЭГДҮГЭЭР АРАВ ХОНОГИЙН ТОЙМ

ХӨДӨӨ АЖ АХУЙН ЦАГ УУРЫН  2023  ОНЫ 12 ДУГААР САРЫН НЭГДҮГЭЭР АРАВ ХОНОГИЙН ТОЙМ

Агаарын температур:  Манай аймгийн  хэмжээнд 12 дугаар сарын эхний арав хоногийн агаарын дундаж температур (1981-2010 оны дунджаар) Говийн бүс нутгаар -11.4°С-аас  -15.3°С, бусад  нутгаар -11.3°С-аас -16.5°С градус хүйтэн байдаг. 2023 оны 12 дугаар сарын 1 дүгээр арав хоногийн агаарын дундаж температур нийт нутгаар олон жилийн дунджаас 1.9°С -7.9°С-аар градусаар дулаан байлаа.  

Хур тунадас: Энэ арав хоногт Арвайхээр, Хархорин, Бат-Өлзий, Зүүнбаян-Улаан, Өлзийт сумдын нутгаар 0-0.4мм тунадас орсон бол Богд суманд хамгийн их буюу 3.2мм тунадас орсон байна.  

Салхи: Нийт нутгаар ихэнх хугацаанд салхины дундаж хурд 6-12м/сек, зарим үед салхины өрөвхийлөл  Хужирт, Хархорин, Арвайхээр, Баян-Өндөр, Баруунбаян-Улаан, Богд, Баянгол, Гучин-Ус, Нарийнтээл, Уянга, Сант, Хайрхандулаан сумдын нутгаар 15-20м/сек хүрч салхилсан байна.

Цасан бүрхүүл: Аймгийн хэмжээнд нийт нутгаар цасан бүрхүүл тогтсон ба Хархорин, Хужирт сумын нийт, Зүүнбаян-Улаан сумын ихэнх, Бат-Өлзий, Уянга сумдын баруун, Хайрхандулаан сумын зүүн хэсгээр  10-27см зузаан цастай, хунгарын зузаан 60-80см, хөрийн зузаан 15-20см, цасны нягт 0.13-0.29г/см, Баруунбаян-Улаан сумын урд Богд сумын хойд болон баруун хэсгээр цасны дундаж зузаан 10-20см, хунгартаа 80-100см, цасны нягт 0.11-0.17г/см байна. Бусад нутгаар 2-9 см цастай, Баянгол, Сант сумдын нутгаар 0-1см тарлан цастай нийт нутгаар 6-10 баллын цасан бүрхүүл тогтсон байна.

Мал аж ахуйн үйлдвэрлэл:  Нийт сумдаар  хужир шүү, малд нэмэгдэл тэжээл өгөх, тарилга туулга хийх, мал оторлох ажлууд  хийгдэж байна.