Өвөрхангай аймгийн 2022 оны 7 дугаар сарын 1-р 10 хоногийн ХААЦУ-ын тойм

ХӨДӨӨ АЖ АХУЙН ЦАГ УУРЫН

                                                               2022 ОНЫ ДОЛООДУГААР САРЫН НЭГДҮГЭЭР

АРАВ ХОНОГИЙН ТОЙМ

Агаарын температур:  Манай аймгийн  хэмжээнд 7 дугаар сарын 1-р арав хоногийн агаарын дундаж температур (1981-2010 оны дунджаар) Говийн бүс нутгаар 19°С-аас 21°С, бусад  нутгаар 15°С-аас 17°С градус дулаан байдаг. 2022 оны 7 дугаар сарын 1-р арав хоногийн агаарын дундаж температур 16⁰С-аас 24⁰С градус, олон жилийн дунджаас нийт  нутгаар 1°С-аас 3°С  градусаар дулаан байлаа.  

Хур тунадас: Энэ арав хоногт нийт нутгаар  0.8мм – 31.3мм тунадас орсон. Хамгийн их тунадас Уянга суманд 31.3мм, хамгийн бага тунадас Төгрөг суманд 0.8мм тунадас орсон байна.

Салхи: Нийт нутгаар ихэнх хугацаанд 6-11м/сек, зарим үед Хужирт, Баян-Өндөр, Хархорин, Баруунбаян-Улаан, Төгрөг, Богд, Баянгол, Өлзийт, Сант сумдын нутгаар 14-24м/сек хүрч салхилсан байна.

Зуншлагын байдал: Нийт нутгийн 40% орчим нь зуншлага хэвийн, 45% гаруй нь гандуу, 5% хувь буюу Гучин-Ус сумын баруун болон өмнө, Нарийнтээл, Хайрхандулаан, Баянгол сумын өмнө хэсгээр гантай байна.  

Мал аж ахуйн үйлдвэрлэл:  Нийт сумдаар  мал ногоолуулах, хонины  ноос хяргах, сааль сүү бэлтгэх зэрэг ажлууд  явагдаж  байна.