Цаг уурын мэдээ > Хөдөө аж ахуйн цаг уурын тойм

ӨВӨРХАНГАЙ АЙМГИЙН 2020 ОНЫ 8 ДУГААР САРЫН 1 ДҮГЭЭР 10 ХОНОГИЙН ТОЙМ

Шинэчлэгдсэн: 2020-10-18 23:54:51

 ХӨДӨӨ АЖ АХУЙН ЦАГ УУРЫН 10 ХОНОГИЙН ТОЙМ

/ 2020 оны 8-р сарын 1-10 хүртэл/

 

Агаарын температур: Энэ арав хоногт агаарын дундаж температур нийт нутгаар 14.6-22.8 градус дулаан, шөнөдөө 6-12 градус, өдөртөө 24-33 градус дулаан, агаарын дундаж температурыг олон жилийн дундаж температуртай харьцуулж үзэхэд нийт нутгаар олон жилийн дундажийн орчим байлаа.

 Салхи: Нийт нутгаар ихэнх хугацаанд 4-9м/сек, Хужирт,Арвайхээр,Баян-Өндөр, Баруунбаян-Улаан,Төгрөг,Богд,Өлзийт,Сант сумдын нутгаар зарим үед 14-22м/сек хүрч салхилж, Баруунбаян-Улаан суманд салхины хуйсрах хурд 29м/сек хүрсэн байна.

Хур тунадас Ихэнх сумдын нутгаар 0.1-29.9 мм тунадас орсон. Хамгийн их тунадас Бүрд суманд 29.9мм, хамгийн бага тунадас Баруунбаян-Улаан суманд 0.1мм орж, Төгрөг сумын нутгаар тунадас ороогүй.

Бэлчээрийн ургамлын ургалтын байдал: Нийт нутгийн 5% орчимд сайн, 45% орчимд дунд зэрэг 50% орчимд муу байна.Ихэнх сумдын нутгаар ургамлын ургалт жигдгүй,өсөлт хөгжилт нь хэвийн зуншлагатай жилийхэд хүрэхгүй, зарим ургамал гандаж үзүүрээсээ шарласан. Зарим төрлийн мал тэвээрэг гүйцэт авах боломж муу  байна.

Мал аж ахуйн үйлдвэрлэл:  Бүх сумдад мал оторлох, хөөвөр хялгас авах, хонь хяргах,хужир шүү бэлтгэх ажил явагдаж байна.