ХӨДӨӨ АЖ АХУЙН ЦАГ УУРЫН 2023 ОНЫ 12 ДУГААР САРЫН ГУРАВДУГААР АРАВ ХОНОГИЙН ТОЙМ

ХӨДӨӨ АЖ АХУЙН ЦАГ УУРЫН  2023  ОНЫ 12 ДУГААР САРЫН ГУРАВДУГААР

 АРАВ ХОНОГИЙН ТОЙМ

Агаарын температур:  Манай аймгийн  хэмжээнд 12 дугаар сарын гуравдугаар арав хоногийн агаарын дундаж температур (1981-2010 оны дунджаар) Говийн бүс нутгаар -14.0°С-аас -17.9°С, бусад  нутгаар -13.0°С-аас -19.2°С градус хүйтэн байдаг. 2023 оны 12 дугаар сарын гуравдугаар  арав хоногийн агаарын дундаж температур нийт нутгаар олон жилийн дунджийн орчим байлаа.  

Хур тунадас: Энэ арав хоногт Богд, Хайрхандулаан сумдын нутгаар тунадас ороогүй. Бүрд сумын нутгаар хамгийн их буюу 6.4мм тунадас орсон бол Бат-Өлзий, Хужирт, Хархорин, Өлзийт сумдын нутгаар 2.1-4.1мм, бусад нутгаар 0.0-1.0мм тунадас орсон байна.

 Салхи: Нийт нутгаар ихэнх хугацаанд салхины дундаж хурд 7-14м/сек, зарим үед Хархорин, Баруунбаян-Улаан сумын нутгаар салхины өрөвхийлөл 15-16м/сек хүрч салхилсан байна.

Цасан бүрхүүл Аймгийн хэмжээнд нийт нутгаар 8-10 баллын цасан бүрхүүл тогтсон. 2023 оны 12 дугаар сарын 31-ны байдлаар Хужирт сумын баруун хэсгээр цасны дундаж зузаан хамгийн зузаан буюу 41см, Хархорин, Бат-Өлзий, Бүрд, Богд, Баруунбаян-Улаан сумын нийт нутгаар, Уянга сумын хойд, Зүүнбаян-Улаан сумын баруун болон хойд, Хайрхан-Дулаан сумын зүүн болон өмнөд, Арвайхээр, Тарагт сумын баруун, Гучин-Ус сумын баруун  талаар  тэгш газартаа 12-34см,  уул нуруудаар хунгарын  зузаан 80-110 см, хөрийн зузаан 30-45 см, цасны нягт 0.19-0.32г/см³ байна.

Нарийнтээл, Өлзийт, Зүйл  сумын ихэнх, Уянга сумын өмнөд, Хайрхан-дулаан сумын баруун, Төгрөг сумын өмнөд, Сант сумын зүүн болон хойд, Баян-Өндөр сумын өмнөд хэсгээр   цасны дундаж зузаан 10-15см, хунгарын зузаан 40-60 см, хөрийн зузаан 10-15 см, цасны нягт 0.18-0.23г/см³ байна.

Баянгол, Төгрөг, Арвайхээр, Баян-Өндөр сумын ихэнх, Зүйл сумын зүүн тал, Сант сумын баруун болон өмнөд хэсгээр цасны дундаж зузаан  тэгш газартаа 3-9 см, хунгарын зузаан 15-30 см, хунгарын хөрийн зузаан 8-13 см, цасны  нягт 0.15-0.20г/см байна.

Мал аж ахуйн үйлдвэрлэл:  Нийт сумдаар мал хээлтүүлэх, малд нэмэгдэл тэжээл өгөх,  ажлууд  хийгдэж байна.  Зарим сумын малчид отор нүүдэл хийж байна.  

УЦУОШТөв ХААЦУ-ын салбар

2024.01.01