ХӨДӨӨ АЖ АХУЙН ЦАГ УУРЫН 2024 ОНЫ 06 ДУГААР САРЫН ХОЁРДУГААР АРАВ ХОНОГИЙН ТОЙМ

Бэлчээрийн ургамлын ажиглалтын мэдээгээр 06 дугаар сарын 20-ны байдлаар аймгийн хэмжээнд хангайн бүс нутгийн нийт, говь болон хээр талын зарим хэсгээр ургамлын ургалтын байдал жигдэрч сайн, Нарийнтээл, Баруунбаян-Улаан, Төгрөг, Баянгол сумдын нийт, Гучин-Ус, Сант сумын зүүн болон өмнө, Богд сумын баруун хэсгээр дунд зэрэг байна.  Богд сумын өмнө хэсгээр халуун хуурай салхины улмаас ургамал гэмтэж ургалтын байдал тааруухан болсон байна. Аймгийн хэмжээнд нийт нутгийн 60 гаруй хувьд ургамлын ургалт сайн, зуншлагын байдал хэвийн байна. 

• Цаг агаарын нөхцлийн онцлог: Энэ 10 хоногт агаарын дундаж температур нийт нутгаар олон жилийн дунджийн орчим байлаа.
• Хур тунадасны хувьд: Нийт нутгаар тунадас орсон. Энэ арав хоногт Хужирт, Арвайхээр, Уянга сумдын нутгаар хамгийн их тунадас буюу 39-46мм тунадас орсон бол  Баруунбаян-Улаан суманд 6.7мм тунадас орсон байна.
• Салхи: Нийт нутгаар ихэнх хугацаанд 8-14м/сек, зарим үед салхины өрөвхийлөл түр зуур 16-27м/сек хүрсэн байна.
• Мал аж ахуйн үйлдвэрлэлд: Мал ногоолуулах, хөнгөлөх, сааль сүү бэлтгэх, мал оторлох, бод мал төллөх, хонины ноос хяргах, хөөвөр хялгас авах болон бусад ажлууд хийгдэж байна.

.