> Цаг уурын шинжилгээний мэдээ

2023 ОНЫ 04 ДҮГЭЭР САРЫН УУР АМЬСГАЛЫН ТОЙМ

Шинэчлэгдсэн: 2024-02-28 16:34:25

2023 ОНЫ 04 ДҮГЭЭР САРЫН УУР АМЬСГАЛЫН ТОЙМ

Агаарын температур

Манай аймгийн хэмжээнд 04 дүгээр сарын агаарын дундаж температур (1981-2010 оны дунджаар) Хангайн уулархаг бүс нутгаар 0.1°С аас 3.6°С, говийн бүс нутгаар 3.9°С -аас 5.9°С, бусад нутгаар 0.4°С аас 2.7°С дулаан байдаг байна. 2023 оны 04 дүгээр сарын агаарын дундаж температур /зураг 1/. Хангайн уулархаг бүс нутгаар 0.2°С аас 1.9°С, говийн бүс нутгаар 3.4°C аас 5.3°C , бусад нутгаар 0.1°C аас 2.4°C дулаан байсан нь ОЖД-тай харьцуулж үзэхэд нийт нутгаар -1,8°С хүйтнээс 0.10С дулаан байлаа. /Зураг 2./ 2022 оны 04 дүгээр сарын агаарын дундаж температур ОЖД-аас 0.7°С-аар сэрүүн, 2022 оны 04 дүгээр сараас 1.7°С-аар тус тус хүйтэн байсан байна.

Хур тунадас

Аймгийн хэмжээнд ОЖД-аар (1981-2010 оны дунджаар) тус сард нутгийн хойд хэсгээр 5.8-15.3мм, нутгийн өмнөд хэсгээр 2.1-6.5 мм, бусад нутгаар 3.5-6.9 мм тунадас унадаг. 04 дүгээр сард орсон тунадасны нийлбэрийг авч үзвэл нутгийн хойд хэсгээр 1.0-6.3 мм, нутгийн өмнөд  хэсгээр 0.2-9.1 мм, бусад нутгаар 0.7-2.9 мм тунадас орсон нь ОЖД-тай харьцуулж үзэхэд нийт сумдын нутгаар дунджаас бага хур тунадас орсон. / Зураг-3,4./

Экстремаль утгууд

 Энэ сард температурын үнэмлэхүй их утга Баруунбаян-Улаан суманд агаарт 25.6°С,  хөрсний температурын үнэмлэхүй их утга Баруунбаян-Улаан суманд 45.0°С градус хүрч дулаарсан ба Үнэмлэхүй бага утга нь Бат-Өлзий, Бүрд сумдын нутгаар агаарт -18.2°С, хөрсний температурын үнэмлэхүй бага утга Зүйл суманд -30°С хүйтэн байсан байна. Хоногийн хамгийн их тунадас Богд суманд 2-ны өдөр 5.2мм тунадас орсон. Харин даралтын үнэмлэхүй их утга Баруунбаян-Улаан суманд 4-нд 887.0гПА, бага утга Арвайхээр суманд 16-ны өдөр 797.8гПа хүрч тус тус ажиглагдсан. Салхины хамгийн их хурд нь Төгрөг суманд 28м/с хүрчээ.