2024 ОНЫ 02 ДУГААР САРЫН 3 ДУГААР 10 ХОНОГИЙН ТОЙМ

2024  ОНЫ 02 ДУГААР САРЫН 29-НЫ БАЙДЛААР ЦАСАН БҮРХҮҮЛИЙН МЭДЭЭЛЭЛ

            Өвөрхангай аймгийн нутгаар 2024 оны 2 дугаар сарын 29-ны байдлаар аймгийн хэмжээнд нийт нутгаар цасан бүрхүүл тогтсон.

• Хужирт, Хархорин, Зүүнбаян-Улаан, Баруунбаян-Улаан сумын ихэнх, Есөн-Зүйл сумын хойд Бүрд сумын зүүн, Бат-Өлзий сумын баруун, Богд сумын баруун болон өмнөд хэсгээр цасны дундаж зузаан 20-40 см, хунгарын зузаан гуу жалга, уулаараа 90-150см, хөрийн зузаан тэгш талдаа 7-15см, цасны нягт 0.22-0.40г/см3 байна.
• Бат-Өлзий, Бүрд сумын ихэнх, Богд сумын өмнө болон баруун, Баруунбаян-Улаан сумын хойд болон зүүн, Хархорин сумын хойд болон зүүн, Нарийнтээл сумын баруун хэсгээр цасны дундаж зузаан 14-19 см, хунгарын зузаан гуу жалга, уулаараа 80-120 см, хөрийн зузаан 15-35см, цасны нягт 0.25-0.35г/см3 байна.
• Нарийнтээл сумын нийт, Хайрхандулаан, Баянөндөр  сумын ихэнх, Богд сумын зүүн болон баруун хойд, Сант сумын зүүн болон зүүн хойд, Есөнзүйл сумын өмнө, Өлзийт сумын хойд болон зүүн, Уянга сумын хойд, Зүүнбаян-Улаан сумын зарим хэсгээр 8-13 см, хунгарын зузаан 45-100см байна.

Бусад сумдын нутгаар 1-7 см тарлан цастай байна.

• Цаг агаарын нөхцлийн онцлог: Агаарын дундаж температур нийт нутгаар олон жилийн дунджаас 2.0°С-аас 9.6°С-аар хүйтэн байлаа.

•  Мал аж ахуйн үйлдвэрлэлд: Мал оторлох, нэмэгдэл тэжээл өгөх болон бусад ажлууд хийгдэж байна. Энэ сард Хужирт-2819, Баян-Өндөр-2458, Хархорин-1676ь Төгрөг-431, Богд-860, Батөлзий-1179, Баянгол-2894, Зүйл-1072, Нарийнтээл-1384, Өлзийт-674, Сант-2526, Уянга-611, Хайрхандулаан-1242, Гучин-Ус-297, Бүрд-10002, Баруунбаян-Улаан-1509 мал их хүйтэн болон их цаснаас шалтгаалж хорогдсон байна.   Аймгийн хэмжээнд нийт 31634 мал хорогдсон байна.