Урьдчилсан мэдээ > Сарын мэдээ

Сарын мэдээ

Шинэчлэгдсэн: 2021-10-17 07:36:07

2021 ОНЫ 4 ДҮГЭЭР САРЫН ЦАГ АГААРЫН УРЬДЧИЛСАН МЭДЭЭ

ТАНЫ АНХААРАЛД

Цаг агаарын үзэгдэл нутгийн 30 хувиас хэтрэхгүйгээр зурвас газраар ажиглагдах тохиолдолд "зарим газраар", 30–70 хувьд "ихэнх нутгаар", 70 хувиас дээш нутгийг хамрах тохиолдолд "нийт нутгаар" гэсэн нэр томьёо хэрэглэдэг. Дулааны улиралд агаарт болон хөрсний гадарга дээр температур 0°– аас бага болж хүйтрэхийг "цочир хүйтрэл" гэнэ.

Сар, улирлын урьдчилсан мэдээний талаар лавлах бол "Ус цаг уур, орчны судалгаа мэдээллийн хүрээлэн” –гийн 11–326606 утсаар холбогдох буюу тус хүрээлэнгийн “Орчил урсгал, урт хугацааны прогнозын судалгааны хэлтэс"–ээс тодруулах боломжтой.

УУР АМЬСГАЛЫН ТОЙМ

Дөрөвдүгээр сарын агаарын темперaтурын олон жилийн дундаж нь нутгийн өмнөд хэсгээр +6...+12°С, бусaд нутгaaр -2...+4°С дулаан бaйдaг (Зурaг 2).

http://tsag-agaar.gov.mn/uploads/605d2e67-6a44-4bce-a3f7-4e7a0a02700c-tmp_norm_04.png

Зураг 2. 4 дүгээр сарын агаарын температурын ОЖД, [°С]

Сарын нийлбэр хур тунадас олон жилийн дунджаар ихэнх нутгаар 5–7 мм хур тунадас ордог. (Зурaг 4).

http://tsag-agaar.gov.mn/uploads/605d2ee3-afc4-4687-8a6c-4ed30a02700c-prc_norm_04.png

Зураг 4. 4 дүгээр сарын нийлбэр хур тунадасны ОЖД, [мм]

ЦАГ АГААРЫН УРЬДЧИЛСАН МЭДЭЭ

Энэ сард агаарын дундаж температур нийт нутгаар ОЖД–ийн орчим байх төлөвтэй байна(Зураг 6). Хур тунадас нийт нутгаар дунджийн орчим байх төлөвтэй байна (Зураг 7). Агаарын температур, хур тунадасны явцыг Зураг 8–д харуулав. Нэг, хоёрдугаар арав хоногийн эхэн болон сүүлчээр агаарын температур өмнөх үеэсээ 3–8°С–аар хүйтэрнэ. Нэг, хоёрдугаар арав хоногийн сүүл, гуравдугаар арав хоногийн эхэн болон сүүлчээр ихэнх нутгаар хур тунадас орох төлөвтэй. Салхи ихэнх хугацаанд 4–9 м/с, нэг болон гуравдугаар арав хоногийн сүүлчээр зарим газраар 15–18 м/с, зарим үед түр зуур 22 м/с хүртэл ширүүсч, цасан болон шороон шуурга шуурах төлөвтэй байна.

http://tsag-agaar.gov.mn/uploads/tem3.png

Зураг 6. 2021 оны 4 дүгээр сарын агаарын дундаж температурын урьдчилсан мэдээ, [°С]

[Д – агаарын температур ОЖД – аас дулаан, Н – агаарын температур ОЖД – ийн орчим]

http://tsag-agaar.gov.mn/uploads/pre3.png

Зураг 7. 2021 оны 4 дүгээр сарын нийлбэр хур тунадасны урьдчилсан мэдээ, [мм]

[И – хур тунадас ОЖД – аас ахиу, Б – хур тунадас ОЖД – аас бага

 Н – хур тунадас ОЖД – ийн орчим]

http://tsag-agaar.gov.mn/uploads/tuv04.png

Зураг 8. 2021 оны 4р сарын температур, хур тунадасны явц

[Улаан – агаарын хамгийн их температур, хөх – агаарын хамгийн бага температур,

хар – агаарын дундаж температур, ногоон – хур тунадасны хэмжээ]

 

ЗӨВЛӨМЖ

2021 оны 4 дүгээр сард агаарын температур ихэнх нутгаар олон жилийн дунджийн орчим байх төлөвтэй байна. Хур тунадас ихэнх нутгаар дунджийн орчим хур тунадас орох төлөвтэй байна.

Нэгдүгээр арав хоногийн сүүлчээр, хоёрдугаар арав хоногийн сүүлчээр, гуравдугаар арав хоногийн сүүлчээр ихэнх нутгаар цас орж, салхины хурд зарим газраар 16–18 м/с, ялангуяа нэг, гуравдугаар арав хоногийн сүүлчээр ихэнх нутгаар зарим үед 18–24 м/с хүртэл ширүүсч, шороон шуурга шуурч болзошгүй. Түүнчлэн 4 дүгээр сарын 11–16 , 24–26-ны өдрүүдэд зарим газраар хур тунадас харьцангуй багатай, хуурайшилт ихтэй байх тул болзошгүй гал түймрийн аюулаас сэрэмжтэй байхыг онцгойлон анхааруулж байна.