Цаг уурын мэдээ > Хөдөө аж ахуйн цаг уурын тойм
ХӨДӨӨ АЖ АХУЙН ЦАГ УУРЫН 2024 ОНЫ 02 ДУГААР САРЫН НЭГДҮГЭЭР АРАВ ХОНОГИЙН ТОЙМ
![](/images/blank.gif)
![](/images/blank.gif)
ХӨДӨӨ АЖ АХУЙН ЦАГ УУРЫН 2024 ОНЫ 02 ДУГААР САРЫН НЭГДҮГЭЭР АРАВ ХОНОГИЙН ТОЙМ
Арав хоногт нэг удаа хийдэг хээрийн цасны хэмжилтийн мэдээгээр 2 дугаар сарын 10-ны байдлаар аймгийн хэмжээнд нийт нутгийн 90 гаруй хувьд цасан бүрхүүл тогтсон ба Хужирт, Хархорин сумын өмнө, Зүүнбаян-Улаан сумын хойд хэсэг, Есөн-Зүйл сумын хойно болон зүүн, Бүрд сумын баруун, Баруунбаян-Улаан сумын өмнө хэсгээр цасны дундаж зузаан 25-39 см, хунгарын зузаан 90-130см, хөрийн зузаан тэгш талдаа 6-20см, уул нурууд жалгаар 20-60см, цасны нягт 0.22-0.40г/см3 байна.
Бат-Өлзий, Хархорин, Бүрд, Баруунбаян-Улаан сумын ихэнх хэсэг, Зүүнбаян-Улаан сумын баруун, Есөн-Зүйл баруун болон зүүн хэсэг, Баян-Өндөр сумын хойд, Төгрөг сумын өмнө, Богд сумын өмнө болон хойд хэсгээр цасны дундаж зузаан 15-24 см, хунгарын зузаан 80-120 см, хөрийн зузаан 15-35см, цасны нягт 0.25-0.36г/см3 байна.
Сант, Бат-Өлзий сумын хойд, Зүүнбаян-Улаан сумын зүүн, Баян-Өндөр сумын зүүн болон өмнө,Төгрөг сумын баруун, Нарийнтээл, Хайрхандулаан сумдын өмнө хэсэг, Богд сумын баруун болон зүүн хэсгээр цасны дундаж зузаан 8-14 см, хунгарын зузаан 35-60см, хөрийн зузаан 5-12 см, цасны нягт 0.18-0.29г/см3 байна.
Арвайхээр, Баянгол, Гучин-Ус, Нарийнтээл, Хайрхандулаан, Уянга сумдын ихэнх, Төгрөг сумын хойд болон зүүн хэсгээр цасны дундаж зузаан 1-7см, хунгарын зузаан 10-35см, цасны нягт 0.15-0.22г/см3 байна.
Цаашид цас ихтэй байгаа Бат-Өлзий, Хужирт, Хархорин, Бүрд, Есөн-Зүйл, Богд, Баруунбаян-Улаан сумдын нутгаар өвөлжилт хаваржилтийн байдал хүндрэх төлөвтэй байна.
- Цаг агаарын нөхцлийн онцлог: Агаарын дундаж температур Баруунбаян-Улаан, Төгрөг, Богд сумдын нутгаар олон жилийн дунджаас 4.1°С-аас 5.6°С-аар хүйтэн, бусад нутгаар олон жилийн дунджийн орчим байлаа.
- Мал аж ахуйн үйлдвэрлэлд: Мал оторлох, нэмэгдэл тэжээл өгөх болон бусад ажлууд хийгдэж байна.