ХӨДӨӨ АЖ АХУЙН ЦАГ УУРЫН 2024 ОНЫ 01 ДҮГЭЭР САРЫН ГУРАВДУГААР АРАВ ХОНОГИЙН ТОЙМ

ХӨДӨӨ АЖ АХУЙН ЦАГ УУРЫН  2024  ОНЫ 01 ДҮГЭЭР САРЫН ГУРАВДУГААР АРАВ ХОНОГИЙН ТОЙМ

Аймгийн хэмжээнд нийт нутгаар цасан бүрхүүл тогтсон ба Хужирт сумын баруун, Есөн-Зүйл сумын зүүн, Бүрд сумын зүүн, Баруунбаян-Улаан сумын өмнө хэсгээр цасны дундаж зузаан 30-38 см, хамгийн зузаан нь Хужирт сумын баруун өмнө хэсгээр 44см байна. Эдгээр сумдын нутгаар хунгарын зузаан 90-140см, хөрийн зузаан тэгш талдаа 6-20см, уул нурууд жалгаар 20-60см, цасны нягт 0.22-0.40г/см³ байна.

Хужирт, Бат-Өлзий Бүрд сумын зүүн, Есөн-Зүйл сумын хойд, Хархорин сумын өмнө хэсгээр 19-29 см, хунгарын зузаан 80-120 см, хөрийн зузаан 20-40см, цасны нягт цасны нягт 0.25-0.36г/см³ байна.

Бат-Өлзий сумын хойд, Зүүнбаян-Улаан сумын зүүн, Баян-Өндөр сумын хойд болон зүүн, Хархорин, Бүрд, Богд, Баруунбаян-Улаан сумдын ихэнх, Өлзийт сумын хойд, Нарийнтээл, Төгрөг сумдын өмнө хэсгээр цасны дундаж зузаан 13-18 см, хунгарын зузаан 50-80см, хөрийн зузаан 5-15 см, цасны нягт 0.18-0.31г/см³ байна.

Нарийнтээл, Сант, Төгрөг сумдын ихэнх, Уянга сумын хойд, Өлзийт сумын зүүн, Есөнзүйл, Баянгол сумын өмнө, Баян-Өндөр сумын баруун болон өмнө,  Богд сумын зүүн хэсгээр цасны дундаж зузаан 8-12 см, хунгарын зузаан 35-60 см, хөрийн зузаан 5-20см цасны нягт 0.15-0.29 г/см³ байна.

Уянга, Арвайхээр, Баянгол сумдын ихэнх хэсэг, Хайрхандулаан сумын хойд болон зүүн, Өлзийт, Сант, Гучин-Ус сумдын өмнө хэсгээр цасны дундаж зузаан 1-7см, хунгарын зузаан 15-40см, цасны нягт 0.15-0.22г/см³ байна.

Цаашид цас ихтэй байгаа Бат-Өлзий, Хужирт, Хархорин, Бүрд, Есөн-Зүйл, Богд, Баруунбаян-Улаан сумдын нутгаар өвөлжилт хаваржилтийн байдал хүндрэх төлөвтэй байна. 

• Цаг агаарын нөхцлийн онцлог:  Агаарын дундаж температур Хужирт, Хархорин, Баруунбаян-Улаан, Төгрөг, Богд сумдын нутгаар  олон жилийн дунджийн орчим, бусад нутгаар олон жилийн дунджаас 3.8°С-аас 8.4°С-аар градусаар хүйтэн бусад нутгаар олон жилийн дунджийн орчим байлаа.
• Мал аж ахуйн үйлдвэрлэлд: Мал оторлох, нэмэгдэл тэжээл өгөх болон бусад ажлууд хийгдэж байна. 
• Энэ 10 хоногт Төгрөг 332, Бат-Өлзий-85, Гучин-Ус-23, Зүүнбаян-Улаан-390, Уянга-40, Баянгол-739 мал нийт 1302 мал их хүйтэн болон их цаснаас шалтгаалж хорогдсон байна.