ХӨДӨӨ АЖ АХУЙН ЦАГ УУРЫН 2023 ОНЫ 08 ДУГААР САРЫН ГУРАВДУГААР АРАВ ХОНОГИЙН ТОЙМ

ХӨДӨӨ АЖ АХУЙН ЦАГ УУРЫН

2023 ОНЫ 08 ДУГААР САРЫН ГУРАВДУГААР

АРАВ ХОНОГИЙН ТОЙМ

Агаарын температур:  Манай аймгийн  хэмжээнд 8 дугаар сарын гуравдугаар арав хоногийн агаарын дундаж температур ОЖДунджаар (1981-2010 оны дунджаар) Говийн бүс нутгаар 16.6°С-аас 18.2°С, бусад  нутгаар 11.7°С-аас 15.3°С градус дулаан байдаг. 2023 оны 8 дугаар сарын гуравдугаар арав хоногийн агаарын дундаж температур говийн бүс нутгаар 17.8⁰С- ээс 20.2⁰С, бусад нутгаар 13.0°С –аас 16.5°С градус дулаан байсан бөгөөд хангайн бүс нутаг Бат-Өлзий, Бүрд, Есөн-Зүйл сумдын нутгаар олон жилийн дунджаас 1.8°С -2.2°С дулаан бусад нутгаар олон жилийн дунджийн орчим байлаа. 

      Хур тунадас: Хур тунадас: Энэ арав хоногт Баруунбаян-Улаан сумын нутгаар тунадас ороогүй, бусад нутгаар 0,8-16,0мм тунадас орсон байна. Арвайхээр, Есөнзүйл, Зүүнбаян-Улаан, Уянга, Хайрхандулаан, Гучин-Ус  сумдад 6.1-16мм, бусад нутгаар 0.8-5.2мм  тунадас  орсон байна. 

Салхи: Нийт нутгаар ихэнх хугацаанд 8-14м/сек, Хужирт, Төгрөг Хархорин, сумдын нутгаар салхины өрөвхийлөл 14-16 м/сек, хүрч салхилсан байна.

Бэлчээрийн ургамлын ургалтын байдал: Бэлчээрийн ургамлын ургалтын байдал ихэнх сумдын нутгаар сайн, Баян-Өндөр Уянга сумдын баруун, Төгрөг, Богд сумдын нутгаар дунд зэргийн ургалттай байна. Зуншлагын байдал нийт нутгийн 90 орчим хувьд сайн байна. 10 орчим хувьд дунд зэрэг байна. Зарим сумдын нутгийн зарим хэсгээр их бороо, мөндөр, говийн сумдаар их халалтаас шалтгаалж ургамал гэмтсэн байна. 

Мал аж ахуйн үйлдвэрлэл:  Сааль сүү бэлдэх, хонины ноос хяргах, малд тарилга хийх, мал хөнгөлөх, мал ногоолуулах, отор нүүдэл хийх, хужир шүү бэлтгэх, хөөвөр хялгас авах, мал хөнгөлөх болон бусад ажлууд үргэлжлэн явагдаж байна.

УЦУОШТӨВ, ХААЦУ-ЫН САЛБАР

2023-09-01