ХӨДӨӨ АЖ АХУЙН ЦАГ УУРЫН 2023 ОНЫ 11 ДҮГЭЭР САРЫН ХОЁРДУГААР АРАВ ХОНОГИЙН ТОЙМ

ХӨДӨӨ АЖ АХУЙН ЦАГ УУРЫН  2023  ОНЫ 11 ДҮГЭЭР САРЫН ХОЁРДУГААР

 АРАВ ХОНОГИЙН ТОЙМ

Агаарын температур:  Манай аймгийн  хэмжээнд 11 дүгээр сарын хоёрдугаар арав хоногийн агаарын дундаж температур (1981-2010 оны дунджаар) Говийн бүс нутгаар -6.2°С-аас -9.8°С, бусад  нутгаар -7.1°С-аас -11.5°С градус хүйтэн байдаг. 2023 оны 11 дүгээр сарын хоёрдугаар  арав хоногийн агаарын дундаж температур нийт нутгаар олон жилийн дунджаас 2°С –аас 6°С градусаар дулаан байлаа.  

Хур тунадас: Энэ арав хоногт Богд суманд тунадас ороогүй. Бусад нутгаар 0.0-3.4мм  тунадас орсон. Гучин-Ус, Баянгол, Сант, Баруунбаян-Улаан, Төгрөг, Хайрхандулаан сумдын нутгаар 0-0.8мм, бусад сумдын нутгаар 1.0-2.6мм, Бат-Өлзий суманд 3.4мм тунадас орсон байна.

Салхи: Нийт нутгаар ихэнх хугацаанд салхины дундаж хурд 6-12м/сек, зарим үед Баян-Өндөр, Баруунбаян-Улаан, Хархорин сумдын нутгаар 16-18м/сек хүрч салхилсан байна.

Цасан бүрхүүл: Хужирт, Бат-Өлзий, Бүрд, Зүйл, сумдын нутгаар 1-4 баллын цасан бүрхэцтэй, Зүүнбаян-Улаан, Баян-Өндөр, Хархорин,Өлзийт, Уянга сумдын нутгаар  5-9 баллын цасан бүрхэцтэй байна.

Мал аж ахуйн үйлдвэрлэл:  Нийт сумдаар  хужир шүү, хадлан тэжээл бэлтгэх, тарилга туулга хийх, мал хээлтүүлэх ажлууд  хийгдэж байна.  Зарим сумын малчид отор нүүдэл хийж байна.