ӨВӨРХАНГАЙ АЙМГИЙН АЖИГЛАЛТ СУДАЛГААТАЙ ГОЛУУДЫН МӨСНИЙ ҮЗЭГДЭЛ, ЗУЗААНЫ ТОЙМ МЭДЭЭ 2023 оны 1 дүгээр сарын 01-ний өдрийн байдлаар

ӨВӨРХАНГАЙ АЙМГИЙН АЖИГЛАЛТ СУДАЛГААТАЙ ГОЛУУДЫН  МӨСНИЙ ҮЗЭГДЭЛ, ЗУЗААНЫ  ТОЙМ МЭДЭЭ

       2023 оны 1 дүгээр сарын 01-ний өдрийн байдлаар

          Хангай нурууны зүүн хойт хажуугаас эхтэй Орхон гол уртын дагуу битүү мөсөн бүрхүүлтэй. Бат-Өлзий сумын орчим мөсний зузаан 69 см олон жилийн дунджийн орчим, Хархорин сумын орчим халиа гүйсний улмаас мөсний зузаан 77 см буюу олон жилийн дунджаас 20 см орчим зузаан байна. .

         Хангай нурууны өврөөс эхтэй Онги гол битүү мөсөн бүрхүүлтэй, Уянга сумын орчим мөсний зузаан 74 см буюу олон жилийн дунджаас 10 см-ээр нимгэн бол Арвайхээр сумын орчим мөсний зузаан 27 см буюу олон жилийн дунджийн орчим, ёроолдоо хүртэл хөлдсөн байна.  

       Хангай нурууны өвөр хажуугаас усжих Таац голын мөсний зузаан Нарийнтээл сумын орчим ёроолдож хөлдсөн мөсний зузаан 35 см буюу олон жилийн дунджийн орчим байна.

        Сангийн далай нуураас эхтэй Зэгстэй гол нь Өлзийт сумын орчим ёроодож хөлдсөн, мөсний зузаан 27 см буюу олон жилийн дунджаас 10 см нимгэн байна. Хөгшин Орхон гол нь ёроолдоо хүртэл хөлдсөн ба мөсний зузаан 40 см буюу олон жилийн дунджийн орчим байна.

ӨВӨРХАНГАЙ АЙМАГ. УЦУОШТӨВ

УС СУДЛАЛЫН САЛБАР