Өвөрхангай аймгийн 2022 оны 11 дүгээр сарын 2 дугаар 10 хоногийн ХААЦУ-ын тойм

ХӨДӨӨ АЖ АХУЙН ЦАГ УУРЫН

2022 ОНЫ 11 ДҮГЭЭР САРЫН ДУНД

АРАВ ХОНОГИЙН ТОЙМ

Агаарын температур:  Манай аймгийн  хэмжээнд 11 дүгээр сарын дунд арав хоногийн агаарын дундаж температур (1981-2010 оны дунджаар) Говийн бүс нутгаар -6°С-аас -10°С, бусад  нутгаар -6°С-аас -12°С градус хүйтэн байдаг. 2022 оны 11 дүгээр сарын 2 дугаар арав хоногийн агаарын дундаж температур -5⁰С- аас -10⁰С градус хүйтэн байсан бөгөөд энэ нь олон жилийн дунджаас 0-5°С-аас градусаар дулаан байлаа.  

Хур тунадас: Энэ арав хоногт нийт нутгаар 0.0мм-7.6мм тунадас орсон. Баруунбаян-Улаан, Богд сумдын нутгаар тунадас ороогүй байна.

Салхи: Нийт нутгаар ихэнх хугацаанд 4-9м/сек, зарим үед Баруунбаян-Улаан, Богд, Гучин-Ус,Хархорин, Сант, Бүрд сумдын нутгаар 12-24м/сек хүрч салхилсан байна.

Цасан бүрхүүл: Ихэнх нутгаар тогтвортой цасан бүрхүүлтэй, цасны зузаан 1-6см, зарим газраа хунгартай нягт 0.12-0.22г/см³, 6-10 баллын цасан бүрхүүлтэй байна .

Баруунбаян-Улаан, Богд, Гучин-Ус, Сант, Баянгол сумдын нутгаар цасан бүрхүл тогтоогүй байна.

Мал аж ахуйн үйлдвэрлэл:  Нийт сумдаар  хужир шүү, хадлан тэжээл бэлтгэх, тарилга туулга хийх, мал хээлтүүлэх ажлууд  хийгдэж байна.  Зарим сумын малчид отор нүүдэл хийж байна.