ХӨДӨӨ АЖ АХУЙН ЦАГ УУРЫН 10 ХОНОГИЙН ТОЙМ

Агаарын температур: Энэ арав хоногт агаарын дундаж температур 16.7-24.5градус дулаан , нийт нутгаар ихэнх хугацаанд шөнөдөө 8-12 градус,  өдөртөө 25-34 градус дулаан  байлаа. Энэ 10 хоногийн агаарын дундаж температурыг олон жилийн дундажтай харьцуулж үзвэл нийт нутгаар 2.0-3.9  градус дулаан байсан байна.

 Салхи: Нийт нутгаар ихэнх хугацаанд салхи 5-10м/сек, Хужирт, Арвайхээр, Баянөндөр,  Төгрөг,  сумдын нутгаар салхи зарим хугацаанд 16-20 м/сек, Хархорин,  Гучин-Ус, Өлзийт, Сант,  сумдын нутгаар 10-14м/сек, бусад сумдаар 6-8м/сек хүрч салхилсан байна.   

Хур тунадас:  Энэ 10 хоногт Хужирт, Арвайхээр, Баян-өндөр, Хархорин, Бүрд, Есөнзүйл, Зүүнбаянулаан, Өлзийт, Уянга, Хайрхандулаан сумдын нутгаар 3-4 өдөр нийт 22.5-45.1мм, Бат-өлзий сумын нутгаар 69,0мм, бусад сумдын  нутгаар 3,7-9,3мм тунадас унасан байна.

Зуншлагын байдал: Энэ 10 хоногт ихэнхи сумдын  нутгаар 3-8 өдөр хур тунадас орж нийт нутгаар  ургамлын ургалт сэргэсэн. Нийт нутгийн 15% нь хэвийн зуншлагатай, 40% нь гандуу, 45%  нь  гантай байна.  /Зураг1/ Бат-өлзий, Хархорин сумдын нийт нутаг, Уянга, Хужирт, Зүүнбаянулаан сумдын нутгийн хойд хэсгээр хэвийн зуншлагатай, дээрх сумдын нутгийн өмнөд хэсгээр болон Бүрд, Баянөндөр, Есөнзүйл, Өлзийт сумдын нутгийн хойд хэсгээр  гандуу, Богд, Төгрөг, Баруунбаянулаан, Баянгол, Сант сумдын ихэнхи нутаг Нарийнтээл, Хайрхандулаан,Тарагт сумдын нутгийн өмнө хэсгээр гантай байна. Гантай сумдын нутгуудаар   өмнөх хугацаанд  олон өдөр чийг бага, халуун хуурай салхитай байснаас бүх ургамал хатаж гэмтэн ургалт нь удааширсан байсан тул хур тунадас бага зэрэг орсон боловч бүх ургамал дахин сайн сэргээгүйгээс мал ногоонд цадах боломжгүй ургамлын ургалт муу  гантай хэвээр байна.

Мал аж ахуйн үйлдвэрлэл: Бод мал төллүүлэх, малд нэмэгдэл тэжээл өгөх , ямаа самнах, хөөвөр хялгас авах зэрэг ажил үргэлжлэн явагдаж  байна. Гантай байгаа сумдын малчид   маш их отор нүүдэл хийж байна.