Өвөрхангай аймгийн 2021 оны 3 дугаар сарын 1 дүгээр 10 хоногийн тойм

ХӨДӨӨ АЖ АХУЙН ЦАГ УУРЫН

2021 ОНЫ ГУРАВДУГААР САРЫН ЭХНИЙ

АРАВ ХОНОГИЙН ТОЙМ

1. Агаарын температур

Манай аймгийн  хэмжээнд 3 дугаар сарын 1-р арав хоногийн агаарын дундаж температур (1981-2010 оны дунджаар)  Говийн бүс нутгаар   -1°С -аас -3°С, бусад  нутгаар    -4°С -аас -6°С   байдаг. 2021 оны 03 дугаар сарын эхний арав хоногийн агаарын дундаж температур нийт нутгаар ОЖД-аас 4,7 – 7,7°С-аар дулаан байлаа. 

2. Салхи

Нийт нутгаар ихэнх хугацаанд 4-9м/сек, Хужирт, Баруунбаян-Улаан, Төгрөг, Богд, Баянгол, Гучин-Ус, Сант сумдын нутгаар зарим үед 15-23м/сек хүрч салхилсан байна.

3. Хур тунадас

 Аймгийн хэмжээнд 03 дугаар сарын нэгдүгээр арав хоног Богд, Бат-Өлзий сумдын нутгаар 1,3-1,9мм, Бүрд, Хархорин сумдын нутгаар 0,6-1,2мм, Хужирт, Арвайхээр, Баруунбаян-Улаан, Гучин-Ус, Нарийнтээл, Сант, Уянга сумдын нутгаар 0,0-0,5мм цас орсон. Баян-Өндөр,Төгрөг, Зүйл, Зүүнбаян-Улаан,Өлзийт сумдын нутгаар  цас ороогүй байна.

4. Цасан бүрхүүл

 Хархорин, Бат-Өлзий, Өлзийт Зүйл сумдын нутгаар ууландаа бага зэргийн цастай, бусад сумдын нутгаар цасан бүрхүүл арилсан байна..  

Мал аж ахуйн үйлдвэрлэл:  Нийт сумдаар мал оторлох, нэмэгдэл тэжээл өгөх ,бог мал төллөх ажил үргэлжлэн явагдаж  байна.