ХӨДӨӨ АЖ АХУЙН ЦАГ УУРЫН 2024 ОНЫ 05 ДУГААР САРЫН НЭГДҮГЭЭР АРАВ ХОНОГИЙН ТОЙМ

Бэлчээрийн ургамлын ургалтын байдал 5 дугаар сарын 10-ны байдлаар Хархорин сумын баруун, Богд сумын хойд хэсгээр ургамлын ургалтын байдал жигдэрч сайн, ихэнх нутгаар дунд зэрэг, Сант сумын өмнө хэсгээр ургамал цухуйсан боловч ургалтын байдал муу байна. Ингэснээр аймгийн хэмжээнд нийт нутгийн 90 орчим хувьд ургамлын ургалт дунд зэрэг болсон байна.  

• Цаг агаарын нөхцлийн онцлог: Агаарын дундаж температур аймгийн хэмжээнд нийт нутгаар олон жилийн 5.0°С-аас 7.0°С-аар дулаан байлаа.
• Хур тунадасны хувьд: Ихэнх нутгаар 0.1-4.9мм тунадас орсон. Баян-Өндөр, Баруунбаян-Улаан, Богд, Гучин-Ус, Төгрөг тунадас ороогүй байна. Салхи: Нийт нутгаар ихэнх хугацаанд 8-12 м/сек, 13-14-ний өдрүүдэд ихэнх нутгаар 16-32 м/сек хүрч аюулын хэмжээнд хүрч салхилсан байна.
• Мал аж ахуйн үйлдвэрлэлд: Мал оторлох, нэмэгдэл тэжээл өгөх, бод бог мал төллөх, тарилга туулга хийх болон бусад ажлууд хийгдэж байна.