ХӨДӨӨ АЖ АХУЙН ЦАГ УУРЫН 10 ХОНОГИЙН ТОЙМ /2018 оны 3-р сарын 21-31-ний байдлаар /

Агаарын температур:  Энэ арав хоногт агаарын дундаж температур 4 -9 градус дулаан , нийт нутгаар ихэнх хугацаанд шөнөдөө -4 - -10 градус хүйтэн, өдөртөө 15 -21 градус дулаан   байлаа. Энэ 10 хоногийн дундаж температурыг олон жилийн дундажтай харьцуулахад бүх сумдын нутгаар олон жилийн дунджаас     5- 11 градусаар  дулаан байсан байна.

Салхи: Нийт нутгаар ихэнх хугацаанд 8-16 м/сек салхитай байсан ба  Хужирт, Арвайхээр Баянөндөр, Хархорин , Баруунбаянулаан, Төгрөг, Богд , Баянгол, Өлзийт   сумдын нутгаар 7-10 өдөр салхи  түр зуур 18-24м/сек, бусад  сумдын нутгаар 10-16м/сек  хүрч салхилсан байна.   

 Хур тунадас: Энэ 10 хоногт    Хужирт, Хархорин, Бүрд, Есөнзүйл, Зүүнбаянулаан    сумдын нутгаар 00-0,2мм, Батөлзий, Гучин-ус, Уянга сумдын нутгаар  1-2 удаа 0,6-1,1мм,  тунадас  унасан, бусад сумдын нутгаар тунадас унаагүй байна.

Цасан бүрхүүл: Энэ 10 хоногт  нийт нутгаар ихэнхи хугацаанд агаарын температур өдөртөө нэмэх 10 градусаас  дээш  дулаарсанаар цасан бүрхүүл бүрэн хайлж дууссан

Мал аж ахуйн үйлдвэрлэл:   Энэ 10 хоногт мал  оторлох,  нэмэгдэл тэжээл өгөх, бог,бод мал төллөх  зэрэг ажил үргэлжлэн явагдаж  зарим нутгаар салхи шуургатай  МАА-д тохиромжгүй байсан боловч ажил саатаагүй   байна.