Өвөрхангай аймгийн 2023 оны 1 дүгээр сарын 1 дүгээр 10 хоногийн ХААЦУ-ын тойм

ХӨДӨӨ АЖ АХУЙН ЦАГ УУРЫН

2023 ОНЫ 01 ДҮГЭЭР САРЫН НЭГ ДҮГЭЭР

АРАВ ХОНОГИЙН ТОЙМ

Агаарын температур:  Манай аймгийн  хэмжээнд 1 дүгээр сарын эхний арав хоногийн агаарын дундаж температур (1981-2010 оны дунджаар) Говийн бүс нутгаар -15°С-аас -18°С, бусад  нутгаар -17°С-аас -20°С градус хүйтэн байдаг. 2023 оны 1 дүгээр сарын 1 дүгээр арав хоногийн агаарын дундаж температур -10⁰С- аас -18⁰С градус хүйтэн байсан бөгөөд нийт сумдын нутгаар олон жилийн дунджаас 3⁰С-8⁰С градусаар дулаан байлаа.  

Хур тунадас: Энэ арав хоногт Зүүнбаян-Улаан сумын нутгаар 0,0мм цас орсон. Бусад сумдын нутгаар цас ороогүй байна.

Салхи: Нийт нутгаар ихэнх хугацаанд 4-9м/сек, зарим үед Хархорин, Баруунбаян-Улаан, Төгрөг сумдын нутгаар 14-20м/сек хүрч салхилсан байна.

Цасан бүрхүүл: Нийт нутгийн 70 хувь орчим тогтвортой цасан бүрхүүлтэй цасны зузаан 1-10см, зарим газраа хунгартай, нягт 0.12г/см³-0.26г/см³, 5-10 баллын цасан бүрхүүлтэй байна. Богд, Төгрөг, Гучин-Ус сумдын нутгаар цасан бүрхүүл тогтоогүй байна.

Мал аж ахуйн үйлдвэрлэл:  Нийт сумдаар малд нэмэгдэл тэжээл өгч, зарим сумын малчид отор нүүдэл хийж байна.