Өвөрхангай аймгийн 2021 оны 2 дугаар сарын 3 дугаар 10 хоногийн тойм

ХӨДӨӨ АЖ АХУЙН ЦАГ УУРЫН

2021 ОНЫ ХОЁРДУГААР САРЫН ГУРАВ ДУГААР

АРАВ ХОНОГИЙН ТОЙМ

 1.Агаарын температур

Манай аймгийн хэмжээнд 2 дугаар сарын 3-р арав хоногийн агаарын дундаж температур (1981-2010 оны дунджаар) Хангайн уулархаг бүс нутгаар -12.0°С - аас -15.6°С, говийн бүс нутгаар -9.7°С-аас -13.0°С, бусад нутгаар -11.1°С-аас -14.6°С байдаг. 2021 оны 02 дугаар сарын сүүлийн арав хоногийн агаарын дундаж температур нийт нутгаар ОЖД-аас 5.1 – 9.1°С-аар дулаан байлаа.                                                                

2. Хур тунадас

Аймгийн хэмжээнд 2 дугаар сарын 3 дугаар арав хоног Бат-Өлзий,Хархорин сумдын нутгаар 4.3-4.5мм, Хужирт, Есөнзүйл, Бүрд сумдын нутгаар 1.1-2.1мм, Зүүнбаян-Улаан, Өлзийт сумдын нутгаар 0.0-0.2мм цас орсон. Бусад сумдын нутгаар цас ороогүй байна.

3. Цасан бүрхүүл

Энэ арав хоногт нийт сумдын 40 орчим хувьд цасан бүрхүүлтэй. Хархорин, Хужирт, Бат-Өлзий, Есөнзүйл, Зүүнбаян-Улаан сумын хойд, баруун болон зүүн хэсгээр 5-12см /хунгар газраа 20-40см/, Бүрд сумын баруун болон зүүн, өмнө хэсэг, Өлзийт сумын баруун болон хойд, зүүн хэсгээр 2-4см зузаан  /хунгар газартаа 15-30см/ цастай байна. Хархорин, Бат-Өлзий,  Есөнзүйл сумдын нутгаар цасны нягт 0,18-0,20 г/см³  байна.   Бусад сумдын нутгаар цасгүй байна.

4. Мал аж ахуйн үйлдвэрлэл:  

Нийт сумдаар мал оторлох, нэмэгдэл тэжээл өгөх ажил үргэлжлэн явагдаж  байна. Сант, Зүүнбаян-Улаан сумдын нутгаар бог мал төллөж эхлээд байна.