Өвөрхангай аймгийн 2020 оны 1 дүгээр сарын 2 дугаар 10 хоногийн тойм

 ХӨДӨӨ АЖ АХУЙН ЦАГ УУРЫН 10 ХОНОГИЙН ТОЙМ

/ 2020 оны 1-р сарын 11-20хүртэл/

Агаарын температур: Энэ арав хоногт агаарын дундаж температур нийт нутгаар -14,5-22,3 градус хүйтэн байлаа. Агаарын хамгийн бага температур -20-30 градус, хөрсөн дээр -26-39 градус хүрч хүйтэрсэн. Агаарын дундаж температурыг олон жилийн дундаж температуртай харьцуулж үзэхэд Сант, Баянгол, Гучин-Ус,Төгрөг, Бүрд  сумдын нутгаар  2,9 – 4,5 градус орчим дулаан, бусад сумдын нутгаар дунджийн орчим хүйтэн байлаа.

Салхи: Нийт нутгаар ихэнх хугацаанд салхи 4-9м/сек, Хархорин, Богд, Баян-Өндөр,Төгрөг, Өлзийт сумдын нутгаар  зарим үед 14-20м/сек хүрч салхилсан байна.

Хур тунадас: Энэ 10 хоногт Төгрөг сумын нутгаар цас ороогүй бусад сумдын нутгаар 0,0-2,8 мм цас орлоо.

Цасны зузаан: Цасан бүрхүүл: 2020 оны 01 дүгээр сарын 20 ны байдлаар  Нийт нутгийн 80% орчим цасан бүрхүүлтэй. Хужирт, Бат-Өлзий Хархорин, Хайрхандулаан, Нарийнтээл сумын нийт нутаг ,Өлзийт сумын хойд болон баруун, Баян-Өндөр сумын баруун хэсгээр 8-16см зузаан,  Богд сумын нийт нутаг,Баруунбаянулаан сумын баруун хэсгээр 5 – 8 см, бусад сумдын нутгаар 2 – 5 см зузаан, Төгрөг сумын зарим хэсэг ,Баянгол сумын  нутгаар цасгүй байна.

Цасны нягт: Хархорин, Хужирт, Богд сумдын нийт нутаг, Өлзийт, Есөнзүйл, Баян-Өндөр сумын хойд, Баруунбаян-Улаан сумын баруун болон хойд хэсгээр 0,20 – 0,32г/см3 , Баянгол, Төгрөг, Зүүнбаян-Улаан сумд нягт тодорхойлоогүй, бусад сумдын нутгаар 0,11 – 0,19 г/см3  нягттай байна.

Мал аж ахуйн үйлдвэрлэл: Бүх сумдад малд нэмэгдэл тэжээл өгөх болон мал хээлтүүлэх ажил үргэлжлэн явагдаж байна.