Өвөрхангай аймгийн 2020 оны 01 дүгээр сарын 3-р 10 хоногийн тойм

 ХӨДӨӨ АЖ АХУЙН ЦАГ УУРЫН 10 ХОНОГИЙН ТОЙМ

/ 2020 оны 1-р сарын 1-10хүртэл/

Агаарын температур: Энэ арав хоногт агаарын дундаж температур -10,5-21,0 градус хүйтэн, нийт нутгаар ихэнх хугацаанд шөнөдөө -16-26 градус , өдөртөө -2-11 градус хүйтэн байсан.  Агаарын хамгийн бага температур -20-30 градус, хөрсөн дээр -25-34 градус хүрч хүйтэрсэн. Агаарын дундаж температурыг олон жилийн дундажтай харьцуулж үзэхэд Хужирт, Баруунбаян-Улаан сумдын нутгаар дундажын орчим, бусад сумдын нутгаар 2-8 градус орчим дулаан байлаа.

 Салхи: Нийт нутгаар ихэнх хугацаанд салхи 4-9м/сек, Хархорин, Баян-Өндөр, Баруунбаян-Улаан, Төгрөг сумдын нутгаар  зарим үед 12-14м/сек хүрч салхилсан байна.

Хур тунадас:  Энэ 10 хоногт нийт нутгаар цас ороогүй.

Цасны зузаан: Хужирт, Бат-Өлзий Хархорин, Уянга, Хайрхандулаан сумын нийт нутаг 8-12см зузаан / хунгар газартаа 20-30см /, Нарийнтээл, Богд сумдын нийт нутаг , Өлзийт сумын хойд болон баруун хэсгээр, Баруунбаянулаан сумын зүүн хэсгээр 4 – 7 см, бусад сумдын нутгаар 1 – 3 см тарлан цастай. Төгрөг, Баянгол, Гучин-Ус, Сант сумдын  нутгаар цасгүй байна.

Мал аж ахуйн үйлдвэрлэл: Бүх сумдад мал хээлтүүлэх, мал оторлох , малд нэмэгдэл тэжээл өгөх ажил үргэлжлэн явагдаж байна.