Урьдчилсан мэдээ - ХАА-ын цаг уур > ӨВӨРХАНГАЙ АЙМГИЙН 2022 ОНЫ 5 ДУГААР САРЫН 2 ДУГААР 10 ХОНОГИЙН ХААЦУ-ЫН ТОЙМ

ӨВӨРХАНГАЙ АЙМГИЙН 2022 ОНЫ 5 ДУГААР САРЫН 2 ДУГААР 10 ХОНОГИЙН ХААЦУ-ЫН ТОЙМ

Шинэчлэгдсэн: 2022-06-28 17:45:04

ХӨДӨӨ АЖ АХУЙН ЦАГ УУРЫН

2022 ОНЫ ТАВДУГААР САРЫН ДУНД

АРАВ ХОНОГИЙН ТОЙМ

Агаарын температур:  Манай аймгийн  хэмжээнд 5 дугаар сарын дунд арав хоногийн агаарын дундаж температур (1981-2010 оны дунджаар) Говийн бүс нутгаар 12°С-аас 14°С, бусад  нутгаар 8°С-аас 11°С градус дулаан байдаг. Энэ арав хоногийн агаарын дундаж температур ихэнх сумдын нутгаар олон жилийн дунджийн орчим, Баянгол, Бүрд, Гучин-Ус, Есөнзүйл, Сант сумдын нутгаар олон жилийн дунджаас 2°С -3°С-аар дулаан байлаа.                         

Хур тунадас: Энэ арав хоногт Уянга, Зүүнбаян-Улаан, Хархорин, Арвайхээр ,Бүрд сумдын нутгаар 0,0-4,3мм тунадас орж бусад сумдын нутгаар тунадас ороогүй байна.

Салхи: Нийт нутгаар ихэнх хугацаанд 5-10м/сек, зарим үед Хужирт, Хархорин, Баруунбаян-Улаан, Богд, Өлзийт, Сант сумдын нутгаар салхи 14-20м/сек хүрч салхилсан байна.

Бэлчээрийн ургамал: Нийт сумдын нутгаар бэлчээрийн ургамал цухуйж  жигдэрсэн боловч мал ногоонд цадах боломжгүй, шөнөдөө хүйтэн хонож байгаагаас  ургамлын гэмтэл ажиглагдсан  байна.

Мал аж ахуйн үйлдвэрлэл: Бод мал төллөх, ямаа самнах, малд тарилга хийх,  мал хөнгөлөх зэрэг ажлууд үргэлжлэн явагдаж байна.

Холбоотой мэдээний жагсаалт

Гарчиг Үүсгэсэн огноо Шинэчлэгдсэн огноо Хандалт
ХАА-н цаг уурын урьдчилсан мэдээ 2016-10-17 1970-01-01 474